Það er gott, hann getur ekkert

Mjög slakur í þessum tveim leikjum svo ekki sé meira sagt.
mbl.is Pálmi Rafn í banni gegn Noregi
Tilkynna um óviðeigandi tengingu við frétt

Facebook Group: Steingrímur J er hræsnari

Allir ættu að ganga í þennan hóp því maðurinn er hræsnari.
mbl.is Erfitt að skrifa undir
Tilkynna um óviðeigandi tengingu við frétt

Skandall

Ótrúleg ákvörðun að gefa útbrunnum of ofmentnum ökumanni á borð við Barrichello enn eitt tækifærið.  Það er mikið hungur í Senna og á Brawn eftir að sjá eftir þessari ákvörðun.
mbl.is Bruno Senna svekktur
Tilkynna um óviðeigandi tengingu við frétt

Dæmi um hækkun: 10 ísstangir í pakka, var 330 kr en nú 735 kr.

Frábært hjá þessum hóp að gera þetta því verðlagið í krónunni er fáránlegt og er jafnvel nótatún ódýrari.  Ég á 7 ára strák sem elskar ís, ég hef í nokkur ár keypt Emmess ísstangir eða snjókarlaís eins og hann kallar það.  Fyrir ári síðan kostaði þessi ís 259 krónur, síðasta haust var þetta komið í um 330 krónur hvort sem það var í bónus eða krónunni. 

Fyrir um tveim vikum ætlaði ég að kaupa þennan ís í krónunni í Hafnarfirði en blöskraði verðið.  735 krónur og ég skoðaði aðrar vörur þá sem voru óeðlilega háar, fór þaðan í Nóatún sem er í höndum sömu eigenda og þar kostaði þessi ís 698 krónur.  Hann kostar 435 í Bónus í dag en annars versla ég yfirleitt í Fjarðarkaup og er margt ódýrara þar en t.d. í bónus.

 


mbl.is Mótmæltu hækkun vöruverðs í Krónunni
Tilkynna um óviðeigandi tengingu við frétt

Verslum í Fjarðarkaup.

Besta úrvalið, fjölskyldufyrirtæki og þess má geta að Hagar hafa ítrekað reynt að koma Fjarðarkaup af markaðnum því þeir hafa lengi "verið fyrir þeim"

 


mbl.is Kemur ekki á óvart
Tilkynna um óviðeigandi tengingu við frétt

Uppgjör fyrstu viku

Nú er öllum leikjum í viku 1 lokið og því munum við á NFL blogginu fara yfir það helsta sem gerðist og veita leikmönnum viðurkenningar fyrir afrek sín. Þetta verður gert í lok hverrar viku á meðan riðlakeppnin stendur yfir.

Leikur vikunnar: Carolina Panthers @ San Diego Chargers
Þeir sem hafa áhuga á að sjá þennan leik og eru með Game Pass ættu ekki að lesa lengra heldur að kíkja á þennan leik. Það er greinilegt að Panthers eru allt annað lið með Jake Delhomme við stjórnvölinn. Panthers voru með nokkuð þægilega 9 stiga forystu með 10 mínútur eftir í leiknum. Chargers komu sér þó inn í leikinn með tveimur snertimörkum og þar með 5 stiga forystu 24-19 þegar 2:27 voru eftir. Jake Delhomme tók þá við og setti saman 11 kerfa, 68 yarda sókn sem endaði með snertimarki til innherjans Dante Rosario á síðasta kerfi leiksins. Það leit þó út fyrir að Panthers ætluðu að klúðra þessu því þeir létu klukkuna ganga fulllengi fyrir smekk flestra og það leit út fyrir að þeir næðu bara einu kerfi. Þegar 6 sekúndur voru eftir byrjuðu Panthers kerfi og Delhomme kláraði 6 yarda sendingu til Mushin Muhammad. Panthers nýttu síðasta leikhléið sitt þegar 2 sekúndur voru eftir í kjölfar gripsins hjá Muhammad. Delhomme kastaði síðan sigursnertimarkinu upp á 14 yarda til Rosario. Einstaklega góður sigur hjá Panthers.

Sóknarleikmaður vikunnar: Michael Turner, RB Atlanta Falcons
Það voru margir leikmenn sem áttu fínan dag um helgina en Michael Turner stóð einfaldlega upp úr. Eftir að hafa eytt síðustu 4 árum sem varamaður LaDainian Tomlinson í San Diego fékk Turner samning sem aðalhlaupari hjá Falcons. Turner þakkaði pent fyrir sig með því að setja félagsmet og hlaupa fyrir 220 yarda á 22 tilraunum sem gerir auðvitað 10 yarda að meðaltali á hvert hlaup! Ekki slæmt að fá að meðaltali endurnýjun þegar maður hleypur með boltann. Turner skoraði 2 snertimörk og þar af eitt 66 yarda snertimark í fyrsta leikhluta.

Af öðrum leikmönnum sem áttu góðan dag má helst nefna Donovan McNabb hjá Eagles, Willie Parker hjá Steelers, Tony Romo hjá Cowboys og Drew Brees hjá Saints.

Varnarmaður vikunnar: James Harrison, LB Pittsburgh Steelers
Mér fannst töluvert erfiðara að velja varnarmann vikunnar þar sem enginn leikmaður var að gera eitthvað stórkostlegt. Einnig hef ég lítið séð frá varnarhliðinni og það er eflaust einhver sem hafði mikil áhrif á leik síns liðs með stóru varnarkerfi sem ég hef ekki heyrt af. Ég tók þetta því einfaldlega á tölfræðinni og þar stóð James Harrison hjá Pittsburgh Steelers upp úr. Harrison var með 8 tæklingar, þar af 2 sem hann fékk aðstoð í, auk þriggja leikstjórnendafellna og eitt forced fumble. Harrison var því aðalmaðurinn í Steelers vörninni sem fór létt með Houston Texans 38-17.
Aðrir leikmenn sem áttu góðan dag í vörninni voru London Fletcher hjá Redskins með 17 tæklingar, Zach Diles hjá Texans með 13 tæklingar, Stewart Bradley hjá Eagles með 9 tæklingar og leikstjórnendafellu og síðan Chris Harris hjá Panthers með 10 tæklingar og 1 forced fumble.

Nýliði vikunnar: Chris Johnson, RB Tennessee Titans
Chris Johnson var valinn nr. 24 í nýliðavalinu í ár en hann átti besta tímann í 40 yarda sprettinum í tímatökunum á NFL Scouting Combine. Johnson sýndi hraðann sinn í leiknum gegn Jaguars á sunnudaginn oft og mörgum sinnum og var sífellt hætta á að hann myndi sleppa í gegn þegar hann fékk boltann í sínar hendur. Johnson hljóp 93 yarda í 15 tilraunum og þar af lengst 18 yarda. Hann greip einnig 3 bolta fyrir 34 yarda og 1 snertimark. Tölurnar sem Matt Forte setti upp hjá Bears voru örlítið betri en ég sá hann ekki spila en í leik Titans og Jaguars sem ég sá þá var Johnson hættulegasti maður vallarins. Hann hefur þennan eiginleika að geta sloppið í gegn næstum hvenær sem er og skorað snertimark. Það verður athyglisvert að fylgjast með honum á þessu tímabili.
Annar hlaupari stóð sig einnig mjög vel en það var áðurnefndur Matt Forte hjá Chicago Bears. Síðan átti útherjinn Eddie Royal hjá Broncos stórleik í nótt gegn Raiders með 9 gripna bolta, 146 yarda og eitt snertimark. Á varnarhliðinni spilaði Keith Rivers LB hjá Cincinnati Bengals best en hann var með 10 tæklingar.

Atvik helgarinnar: Meiðsli Tom Brady
Það er erfitt að andmæla því að meiðslin hjá Brady eru stærstu fréttir helgarinnar. Besti leikstjórnandi deildarinnar spilar ekkert meira í ár og stórt skarð er komið í sóknina hjá Patriots og mjög athyglisvert tímabil framundan hjá þeim.

Óvæntustu úrslit helgarinnar: Sigur Chicago Bears á Indianapolis Colts
Þetta eru úrslit sem ég sá engan veginn fyrir. Það var þó sennilega nýliðinn Matt Forte sem á mestan heiður fyrir þennan sigur Bears. Hann hljóp fyrir 123 yarda og greip 3 bolta fyrir 18 yarda auk þess að skora 1 50 yarda snertimark á jörðinni. Colts voru þó langt frá sínu besta enda með töluvert breytta sóknarlínu og ekki bættu meiðsli hjá hlauparanum Joseph Addai úr skák. Það er þó aldrei að vita nema tími Indianapolis Colts sé liðinn og þegar menn líta til baka seinna meir á tímabilinu að þetta komi ekki jafn mikið á óvart.

Lið vikunnar: Dallas Cowboys
Dallas Cowboys völtuðu yfir Cleveland Browns í leik sem margir voru spenntir fyrir. Cowboys voru hinsvegar með mikla yfirburði hvar sem á var litið. Þeir voru komnir með yfir 400 yarda sóknarlega eftir 3 leikhluta og Tony Romo hafði endalausan tíma í vasanum til að finna útherja og innherja sína. Romo endaði með 320 yarda og eitt snertimark. Marion Barber bætti við 2 snertimörkum og síðan Felix Jones með 1 snertimark í hlaupaleiknum. Varnarlega var DeMarcus Ware besti maður Cowboys með 5 tæklingar, leikstjórnendafellu og 1 forced fumble.

Vonbrigði vikunnar: Leikur Dallas Cowboys og Cleveland Browns
Eins og stendur hér fyrir ofan þá var þessi leikur algjör einstefna þökk sé mjög góðri vinnslu í sókn og vörn Cowboys liðsins. Menn voru fyrirfram að búast við háu skori enda bæði lið með mikinn sprengikraft í sókninni. Það hafa eflaust ófáir gefist upp á þessum leik þegar ljóst var að Cowboys voru komnir með fyrsta strikið í W dálkinn sinn og skipt yfir á leik Panthers og Chargers sem var mun meira spennandi.


Tímabilið búið hjá Tom Brady

Meiðslin sem Tom Brady varð fyrir í leiknum gegn Kansas City Chiefs á sunnudag eru það alvarleg að hann mun ekki taka þátt í fleiri leikjum í ár.

Þegar fyrsti leikhluti var rúmlega hálfnaður fékk Brady högg á vinstra hnéð á sér frá Bernard Pollard, varnarmanni Chiefs. Brady fór út af vellinum og kom ekki meira inná og spilaði varamaðurinn Matt Cassell í hans stað. Brady hafði ekki spilað neitt í æfingaleikjunum þar sem hann var meiddur á hægra hné.

Þetta eru hreint ótrúlegar fréttir þar sem Brady er ríkjandi MVP deildarinnar og ein helsta stórtstjarna hennar. Það verður vægast sagt athyglisvert að fylgjast með gengi Patriots í ár fyrst að Brady spilar ekki meir.

Ég hef oft velt því fyrir mér hvað myndi gerast fyrir Colts ef Peyton Manning myndi meiðast í langan tíma og þetta er ekki ósvipað. Ég held að Patriots muni samt sem áður sigra AFC East riðilinn en að það verði þó mun tæpara þar sem Brady er meiddur. Svo er ekki víst hvort að Cassell muni verða byrjunarliðsmaðurinn í leikjum ársins eða Patriots muni næla sér í annan leikstjórnanda. Chris Simms, sem Buccaneers, létu fara fyrir viku síðan er sagður á leiðinni til Patriots. Það er hinsvegar annað athyglisvert sem ég gæti séð. Hvað með að Patriots næli sér í Daunte Culpepper, sem lagði skóna á hilluna fyrir aðeins örfáum dögum, og komi honum aftur saman við Randy Moss, en þeir spiluðu saman hjá Vikings í byrjun aldarinnar við góðan orðstír.


Tom Brady meiddist í fyrsta leiknum - BEIN TEXTALÝSING FRÁ NFL

Gleðilega hátíð, það er loksins komin NFL sunnudagur og hér að neðan eru tenglar á alla leiki sem fara fram í 1.umferð NFL deildarinnar.  Smelltu á viðkomandi tengil til að fylgjast með beinni textalýsingu þíns liðs.  Þátturinn NFL Countdown Show hefst kl 15:00 og er hugsanlegt hægt að sjá hann hér.   Þeir leikir sem verða sýndir á netinu er hægt að nálgast hér

Sunday Night Football

Chicago@Indianapolis, 00:15


Leikur Vikunnar í NCAA - Miami@Florida

Leikur vikunnar að þessu sinni í háskólaboltanum er viðureign Miami Hurricanes og Florida Gators. Miami háskóli er þekktur fyrir að koma með stjörnur í NFL og má t.d. nefna að hlaupararnir Willis MGahee, Clinton Portis og Frank Gore voru allir í sama Miami liði fyrir nokkrum árum. Það hefur hinsvegar gengið frekar ílla hjá Miami undanfarin ár en Florida eru með eitt besta liðið í háskólaboltanum og voru meistarar árið 2006.

Leikstjórnandi Florida Gators heitir Tim Tebow en hann hlaut Heisman bikarinn á síðasta ári, í liði Gators er einnig einn besti útherji háskólaboltans en sá heitir Percy Harvin. Þetta verður hörkuleikur og verður sýndur á NASN en útsending hefst kl 23:30 í kvöld. Það verður gaman að sjá hvort liðið fer með sigur af hólmi en Florida Gators hafa ekki sigrað Miami í síðustu 6 leikjum liðanna og verður því forvitnilegt hvort háskólinn sem færði okkur Gatorade drykkinn sigri í nótt.
Sjáið stjörnur framtíðarinnar í dag……….Háskólaboltinn.


Leikmaður vikunnar í NCAA - #5 Pat White QB/WR West Virginia

pat-white.jpgÞað er síðasti séns að velja leikmann NCAA síðustu viku því vika 2 í háskólaboltanum er um helgina.  Leikmaður síðustu viku er Pat White sem er örvhentur leikstjórnandi hjá West Virginu háskóla og er á sínu lokaári í skólanum.  Hann átti 5 snertimarks sendingar um síðustu helgi og lauk 25 af 33 sendingum.  White á möguleika á Heisman bikarnum í ár en það má ekki búast við að hann verði leikstjórnandi í NFL því hann er líklega ekki nægilega hávaxin, en hann hefur einnig æft sem útherji fyrir West Virgina.

Hér er myndbrot frá þessum leik West Virgina vs Villanova um síðustu helgi.

[youtube=http://www.youtube.com/watch?v=tjHF3b0kLSI&NR=1]


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband