Tímabilið búið hjá Tom Brady

Meiðslin sem Tom Brady varð fyrir í leiknum gegn Kansas City Chiefs á sunnudag eru það alvarleg að hann mun ekki taka þátt í fleiri leikjum í ár.

Þegar fyrsti leikhluti var rúmlega hálfnaður fékk Brady högg á vinstra hnéð á sér frá Bernard Pollard, varnarmanni Chiefs. Brady fór út af vellinum og kom ekki meira inná og spilaði varamaðurinn Matt Cassell í hans stað. Brady hafði ekki spilað neitt í æfingaleikjunum þar sem hann var meiddur á hægra hné.

Þetta eru hreint ótrúlegar fréttir þar sem Brady er ríkjandi MVP deildarinnar og ein helsta stórtstjarna hennar. Það verður vægast sagt athyglisvert að fylgjast með gengi Patriots í ár fyrst að Brady spilar ekki meir.

Ég hef oft velt því fyrir mér hvað myndi gerast fyrir Colts ef Peyton Manning myndi meiðast í langan tíma og þetta er ekki ósvipað. Ég held að Patriots muni samt sem áður sigra AFC East riðilinn en að það verði þó mun tæpara þar sem Brady er meiddur. Svo er ekki víst hvort að Cassell muni verða byrjunarliðsmaðurinn í leikjum ársins eða Patriots muni næla sér í annan leikstjórnanda. Chris Simms, sem Buccaneers, létu fara fyrir viku síðan er sagður á leiðinni til Patriots. Það er hinsvegar annað athyglisvert sem ég gæti séð. Hvað með að Patriots næli sér í Daunte Culpepper, sem lagði skóna á hilluna fyrir aðeins örfáum dögum, og komi honum aftur saman við Randy Moss, en þeir spiluðu saman hjá Vikings í byrjun aldarinnar við góðan orðstír.

Athugasemdir

[Sverrir fyrir sportid.is (IP-tala skráð) 9.9.2008 kl. 07:31]

Sælir hefur þú áhuga að skrifa um NFL á www.sportid.is en við erum að opna þennan vef 27.09 og verður þetta um allt sport á einum stað ef svo er hafðu þá samband á netfangið sem fylgir með

kveðja sverrir framkvæmdastjóri